1. Eme sitambatua boni ni jolma natorop
Amanta Debata do selehon tua horas ma hita diparorot
2. Bangunbangun sinuan, bangunbangun do salongan,
Molo nauli sinuan, laos nauli dojaloon.
3. Tangkas pe uju Angkola, tangkasan do uju Porba,
Tangkas ma hita maduma laos tangkas ma nang mamora. 4. Binsar matani ari poltak matani bulan,
Sai horas ma angka lahilahi sai horas nang angka parompuan. 5. Pir ma pongki, bahulbahul pansalongan,
Pir ma tondi, sai ro ma pangomoan.
6. Daling ni dalingkon, masuak hodong ni bagot,
Tadingna tinadingkon, hape na nieahan pe so dapot, 7. Marluga sitindaon, mangan hoda sigapiton,
Tu jolo ni langkahon, tu pudi sinarihon.
8. Dakka ni siuram, bulungnai mardagul-dagul
Lungun ni roha munai Tuhanta ma na mangapulapul
9. Tingko ingir-inggir bulungna rata-rata
Hata nauli na hupasahat hami sai pasauthon Amanta Debata 10. Maratahuak manuk mira, martahuak dijolo ni ruma
Halak na burju marnatua-tua dapotan tua sian Tuhan Debata 11. Hansus rugi-rugi, tubu di bona pinasa
Tangan na marsomba ujung, hata marhuhuasi
Mamuji Amanta Debata na uli basa i
12. Marnuti ingir-inggir bulungnai rata-rata
Hata nauli hata na denggan naung pinasahat muna,
Pasauthon ma amanta Debata
