Punguan Pomparan Raja Sitempang Indonesia

ADRT Raja Sitempang

ADRT Punguan Pomparan Raja Sitempang Indonesia

HATA PATUJOLO

Mandok mauliate ma hita tu Tuhan ta Parasiroha dohot Pardenggan Basa na mangaramoti hita saluhutna Pomparan Raja Sitempang na di luat portiboion, naung marsangkap mardosniroha dohot mardosnitahi laho pasadahon pomparan Raja Sitanggang, Raja Sigalingging, Raja Simanihuruk dohot Raja Sidauruk, marhite sada Punguan Pomparan Raja Sitempang Anak ni Raja Naiambaton.

Punguan Raja Sitempang on nunga terbentuk hira-hira 40 taon naung salpu ima Tahun 1980 na pinajongjong ni angka Natuatuanta Pomparan Raja Sitempang dohot goar PUNGUAN POMPARAN RAJA SITEMPANG (PARPORATA), jala sahat tu sadarion denggan do mardalan Punguan on khususna di Kota Medan.



Sesuai tu perkembangan dohot pangidoan sian angka punguan-punguan Pomparan Raja Sitempang, asa dipadimpos ma punguan ta on, jala  asa dibahen ma sada Ruhut Bolon ima songon sada hatontuon na mangatur punguan on,  marhite keputusan Rapot na dipatupa secara virtual tanggal 27 Nopember 2020  dibentuk ma tim, na ginoaran TIM 21, laho mambahen Ruhut Bolon, jala angka goar Tim 21 ima na tarsurat di lembar akhir ni Ruhut Bolon on.

 Mardomu tusi nunga dipature Ruhut Bolon na gabe ruhut-ruhut di parsaoran dihita Punguan Pomparan Raja Sitempang na hot di Poda ni Raja Naiambaton, si sada lulu anak, si sada lulu boru, tung naso jadi jala na tongka marsibuatan dohot na hot di ihot-ihot ni ruhut

DALIHAN NATOLU,

Somba marhula-hula, elek marboru jala MANAT MARDONGAN TUBU.

Marhite Ruhut Bolon Punguan Pomparan Raja Sitempang on, lam tarida ma hasadaon di hita na marhaha anggi diangka ulaon gabe SADA DOSNIROHA SADA DOSNITAHI DOHOT SADA PAMBAHENAN, asa martambah-tambah ma Pasu-Pasu ni Tuhanta tu Pomparan Raja Sitempang. Ruhut Bolon ni Punguan on, ima:

Teknologi Dan Lingkungan Mengubah DuniaIKUTI CHANNEL KAMI

RUHUT BOLON

PUNGUAN POMPARAN  RAJA SITEMPANG

Bindu I

GOAR, DIOJAKHON DOHOT INGANAN  

Pasal 1

  1. Goar ni Punguan on ima “PUNGUAN POMPARAN RAJA SITEMPANG”
  1. PUNGUAN POMPARAN RAJA SITEMPANG on ima songon sada organisasi partukoan laho pasadahon sude Pomparan Ompu Raja Sitempang, ima sian Pomparan Raja Sitanggang, Pomparan Raja Sigalingging, Pomparan Raja Simanihuruk dohot Pomparan Raja Sidauruk na maringanan di sandok luat portibion, sian Pomparan Raja Naiambaton.
  2. PUNGUAN POMPARAN RAJA SITEMPANG ojak di luat-luat sesuai dohot wilayah pemerintahan, ima di  Tingkat Kecamatan, Tingkat Kabupaten/Kota, Tingkat Propinsi dohot di Tingkat Pusat.
  3. Bona ni Inganan  PUNGUAN POMPARAN RAJA SITEMPANG, ima di Kota Medan, alai na boi do marganti inganan selain di Medan, di JABODETABEK, dohot diluat na asing sesuai inganan manang domisili ni Ketua Umum dohot Sekretaris Umum na tarpillit, sesuai dohot Keputusan Rapot Bolon.

Pasal 2

PUNGUAN POMPARAN RAJA SITEMPANG sada punguan sian Pomparan Raja Naiambaton, jala na jamot tu Poda dohot Tona ni Ompui si Raja Naiambaton, ima si sada lulu anak, si sada lulu boru, tung na tongka na so jadi marsibuatan.

Bindu II

OJAHAN DOHOT SANGKAP

Pasal 3

Ojahan ni PUNGUAN POMPARAN RAJA SITEMPANG on, ima:

a. Pancasila;

b. DALIHAN NATOLU;

c. HOLONG dohot SADA NI ROHA.

Pasal 4

Sangkap PUNGUAN POMPARAN RAJA SITEMPANG ima songon visi: “SATAHI SAOLOAN JALA MARSIAMIN-AMINAN SONGON LAMPAK NI GAOL, MARSITUNGKOL-TUNGKOLAN SOHOT SUHAT DIROBEAN” dohot misi, ima:

1. Patoguhon hasadaon di dos niroha, dos ni tahi, dohot dos ni pambahenan;

2. Marsiurupan di ulaon las ni roha dohot arsak ni roha;

3. Pasahathon tona dohot poda taringot tu adat dohot  budaya batak tu sundut na      umposo;

4. Saparadaton na ni ihot Dalihan Na Tolu.

BINDU – III

RUAS NI PUNGUAN POMPARAN RAJA SITEMPANG

Pasal 5

(1) Ruas ni PUNGUAN POMPARAN RAJA SITEMPANG, ima pomparan ni Ompu Raja Sitempang, sian Pomparan Raja Sitanggang, Raja Sigalingging, Raja Simanihuruk, Raja Sidauruk dohot boruna.
(2) Asa gabe ruas ni PUNGUAN POMPARAN RAJA SITEMPANG, ingkon dipasurathon do dirina tu Punguan marhite-hite Pangurus PUNGUAN
POMPARAN RAJA SITEMPANG.
(3) Ruas na maradi sian PUNGUAN POMPARAN RAJA SITEMPANG ima ruas na monding, dohot angka na manimbil sian ruhut paradaton ni Ompunta Raja Naiambaton.

BINDU – IV
STRUKTUR NI PUNGUAN

Pasal 6

(1) Struktur ni PUNGUAN POMPARAN RAJA SITEMPANG na diojakhon di ganup inganan mangihuthon wilayah pemerintahan, ima Tingkat Kecamatan, Tingkat Kabupaten/Kota, Tingkat Provinsi dohot Tingkat Pusat, ima:

  1. PUNGUAN POMPARAN RAJA SITEMPANG Tingkat Pusat (DPP),
  2. PUNGUAN POMPARAN RAJA SITEMPANG Tingkat Wilayah/Provinsi (DPW),
  3. PUNGUAN POMPARAN RAJA SITEMPANG Tingkat Daerah (Kab/Kota) (DPD),
  4. PUNGUAN POMPARAN RAJA SITEMPANG Tingkat Kecamatan (DPC),

(2) PUNGUAN POMPARAN RAJA SITEMPANG Tingkat Pusat dohot Tingkat Wilayah dang mangulahon parpunguan na papungu ruas, alai na bolas do sesama pengurus mambahen parpunguan na marpardomuan tu PUNGUAN POMPARAN RAJA SITEMPANG.
(3) PUNGUAN POMPARAN RAJA SITEMPANG boi do di ojakhon di inganan manang luat na so sasuai dohot ayat (1) dohot partimbangan, molo adong ruas saotikna 10 (sampulu) keluarga, dohot status sarupa dohot DPC.

BINDU – V
PANGURUS


Pasal 7

(1) Pangurus PUNGUAN POMPARAN RAJA SITEMPANG ima :


a. Dewan Penasehat, ima :
1). Ketua
2). Anggota


b. Badan Pengurus Harian (BPH), ima :
1). Ketuan Umum
2). Wakil Ketua
3). Wakil Ketua sian ganup Sohe (ex-officio ketua Punguan ganup Marga


3). Sekretaris Umum

4). Wakil Sekretaris Umum
5). Bendahara


6). Ketua Bidang, ima:
a) Bidang Adat dan Budaya;
b) Bidang Sosial Kemasyarakatan;
c) Bidang Ekonomi;
d) Bidang Sumber Daya Manusia dan Kepemudaan;
e) Bidang Humas Dan IT
f ) Bidang Hukum


7) Bidang lainnya sesuai kebutuhan.


(2) Leleng ni periode kepengurusan ni punguan on ima 4 (Opat) taon.
(3) Wakil Ketua na nidok ayat (1) huruf b angka (3), boi do diwakili sian naung tarpiliit gabe BPH sian sohe nabe.
(4) Torop ni Penasehat paling godang 13 (sampulu tolu) halak, ima na mewakili sian ganup Marga/Sohe dohot mantan ketua umum sebelumnya.

BINDU – VI
ULAON NI PANGURUS


Pasal 8

(1) Ulaon ni Dewan Penasehat, ima:


a. Manguluhon dohot maniroi pamilinton dohot melantik BPH PUNGUAN POMPARAN RAJA SITEMPANG;
b. Maniroi BPH PUNGUAN POMPARAN RAJA SITEMPANG;
c. Maniroi dohot mangalehon saran pertimbangan rap dohot Ketua Umum dohot Sekretaris Umum pangulahon ni Ruhut Bolon dohot Anggaran Rumah Tangga.
d. Mambahen keputusan hasil Rapot Bolon.

(2) Dewan Penasehat ima sasahalak naung dipatua Punguan dohot Ketua PUNGUAN POMPARAN RAJA SITEMPANG dohot Ketua Umum ni Punguan naung mansohot sebelumna.



(3) Ulaon ni BPH DPP-PUNGUAN POMPARAN RAJA SITEMPANG, ima:


a. Manusun Garis-Garis Besar Program Kerja saleleng 4 (opat) taon ni PUNGUAN POMPARAN RAJA SITEMPANG naditotaphon di Rapot Bolon, na gabe siulahonon ni DPW, DPD, dohot DPC PUNGUAN POMPARAN RAJA SITEMPANG
b. Manguluhon pardalanan ni PUNGUAN POMPARAN RAJA SITEMPANG dohot mamboan goar ni Punguan tu bagas dohot tu ruar ni Punguan.
c. Maniroi Pangurus DPW-PUNGUAN POMPARAN RAJA SITEMPANG hombar tu Ruhut Bolon ni Punguan

d. Mangalantik Pangurus DPW-PUNGUAN POMPARAN RAJA SITEMPANG manang diwakilkan tu Dewan Penasehat DPW-PUNGUAN POMPARAN RAJA SITEMPANG
e. Manghobasi Rapot Bolon pamilliton ni DPP-PUNGUAN POMPARAN RAJA SITEMPANG
f. Paradehon dohot pasahathon Laporan pertengahan tahun dohot laporan Akhir.
g. Mamintori Laporan sian DPW-PUNGUAN POMPARAN RAJA SITEMPANG
h. Papunguhon Data ni ruas ni punguan.
i. Pasadahon manang pabidangkon punguan wilayah.
j. Panaekhon dohot mangurupi (pembinaan) generasi na umposo di angka ulaonna.
k. Mambaen angka usaha nahombar tu pardalan ni punguan
l. Patotahon pardalan ni ulaon paradatan ni ruas (ulaon las ni roha dohot arsak ni roha).
m. Pasada tahi diangka rencana manang sangkap ni Punguan manang anggota ni Punguan di bidang politik.
n. Panaekhon kemampuan sumber daya manusia ni ruas di ulaon paradatan (raja parhata) dohot bidang na asing.
o. Sekretaris ma namandalanhon ulaon administrasi jala namartanggungjawab di sude surat, buku anggota, humas dohot dokumen ni Punguan.
p. Bendahara ma namanjalo, manimpan dohot mangharuarhon sihumisik ni Punguan dohot paradehon laporan parhepengon ni Punguan.
q. Ketua Bidang mangulahon tugas, tanggung jawab sesuai bidang tugasna.



(4) Ulaon ni BPH DPW-PUNGUAN POMPARAN RAJA SITEMPANG, ima:


a. Manguluhon pardalan ni PUNGUAN POMPARAN RAJA SITEMPANG jala rap dohot Sekretaris mangalangka mamboan goar ni Punguan tu bagas dohot tu ruar ni Punguan sesuai dohot Garis-Garis Besar Program Kerja na ni totophon DPP-PUNGUAN POMPARAN RAJA SITEMPANG
b. Maniroi PUNGUAN POMPARAN RAJA SITEMPANG Tingkat Kabupaten/kota
c. Manghobasi pamilliton ni DPW-PUNGUAN POMPARAN RAJA SITEMPANG.
d. Mangalantik Pangurus DPD-PUNGUAN POMPARAN RAJA SITEMPANG manang diwakilkan tu Dewan Penasehat DPD-PUNGUAN POMPARAN RAJA SITEMPANG
e. Patupahon dohot patotahon Anggaran Rumah Tangga PUNGUAN POMPARAN RAJA SITEMPANG na gabe siulahonon ni DPD dohot DPC
PUNGUAN POMPARAN RAJA SITEMPANG
f. Paradehon dohot pasahathon Laporan Tahunan tu DPP-PUNGUAN POMPARAN RAJA SITEMPANG.
g. Mamintori Laporan sian DPD-PUNGUAN POMPARAN RAJA SITEMPANG
h. Melakukan rekapitulasi Data ni punguan PUNGUAN POMPARAN RAJA SITEMPANG di ganup wilayah.
i. Mambahen angka usaha bidang ekonomi tu pardalan ni punguan

j. Maniroi pardalan ni ulaon paradatan siihuthonon ni DPD dohot DPC PUNGUAN POMPARAN RAJA SITEMPANG (ulaon las ni roha dohot arsak ni roha).
k. Maniroi pardalan ni ulaon kerohanian dohot angka ulaon naasing nahombar tusi.
l. Panaekkon kemampuanni sumber daya manusia ni ruas lao manguluhon ulaon paradatan
m.Sekretaris DPW-PUNGUAN POMPARAN RAJA SITEMPANG ima mandalanhon ulaon administrasi jala namartanggungjawab di sude surat,
buku ruas dohot dokumentasi Bendahara DPW-PUNGUAN POMPARAN RAJA SITEMPANG ima namanjalo, manimpan, mangharuarhon sihumisik dohot paradehon laporan parhepengon ni DPW-PUNGUAN POMPARAN RAJA SITEMPANG.
n. Ketua Bidang mangulahon tugas, tanggung jawab sesuai bidang tugasna.

Marsombu Sihol Punguan Pomparan Raja Sitempang Tahun 2022

Share:
error: Hubungi Media Sosial Dibawah !!